مقابلة مع سارا (١٠ عاما) مريضة تأهيل في مستشفى الوفاء في غزة
المُحاوِرة: مرحبا شو اسمك؟
سارا: سارا يعقوب العطار
المُحاوِرة: سارا قديش عمرك سارا؟
سارا: عشرة
المُحاوِرة: عشرة؟ ايش صار معك؟
سارا: صوبنا، نزل علينا الدار، اول شي كنا تعشينا، ورحنا.. تمددنا على السرير، سمعنا الهليكوبتر فجأة، لبدنا. بعد فترة اندك علينا الدار، الدار مليان. استشهد بابا، اختي جنا، ويوسف، وستّه. يعني استشهدوا. الله يرحمهم.
المُحاوِرة: الله يرحمهم. وقتها صارت الإصابة هاي؟
سارا: اه
المُحاوِرة: متى كانت؟
سارا: في ٥/٥/٢٠٢٥
المُحاوِرة: ورحتي بعدها لأي مشفى؟
سارا: المستشفى الاندونيسي، بعد المستشفى الاندونيسي انكسرت رجلي، بعدين قعدنا في خيمة، بعد الخيمة انكسرت رجلي ورجعنا عل مستشفى. عملنا عمليتين في المعمداني.
المُحاوِرة: قديش استنيتي لحتى دخلتي مشفى الوفاء عشان العلاج؟
سارا: خمسة شهور
المُحاوِرة: خمسة شهور لحتى دخلتي مشفى الوفاء عشان تبدي العلاج الطبيعي. قديش الك هون؟
سارا: عشر ايام
المُحاوِرة: وكيف شايفة العلاج؟
سارا: منيح الحمدلله
المُحاوِرة: عم تقدري تمشي؟
سارا: اه بمشي
المُحاوِرة: وايش التمارين اللي بيعملوها معكي؟
سارا: رجلي…
المُحاوِرة: بتمشي لحالك ولا مع اجهزة؟
سارا: عادي انا بمشي
صوت من ورا الكاميرا: لا بنمسكها وبنمشي معها
المُحاوِرة: وشو ال plan ال ex-fix? في plan انه نعملها العملية يشيلوها ولا ماتت؟
صوت من ورا الكاميرا: حاجزين احنا لسا بس ما جاش الدور
المُحاوِرة: شو بتتمني؟
سارا: اني اطيب